Мэр Кіева назваў кіраўніка адміністрацыі Зяленскага «хлуслівым непрафесіяналам»
Мэр Кіева Віталь Клічко ў відэазвароце да прэзідэнта Украіны Уладзіміра Зяленскага назваў кіраўніка адміністрацыі Зяленскага Андрэя Богдана «хлуслівым непрафесіяналам».
«Уладзімір Аляксандравіч, з павагай да вас, але, калі ўладу будуць прадстаўляць такія ілжывыя непрафесіяналы, як Андрэй Богдан, — пра якія новыя стандарты ў палітыцы можна казаць?» — заявіў Клічко.
Ён таксама адзначыў, што паводзіны Богдана дыскрэдытуюць адміністрацыю прэзідэнта.
Нагадаем, падчас прэс-канферэнцыі 30 ліпеня кіраўнік прэзідэнцкай адміністрацыі Андрэй Богдан заявіў, што мэр Кіева страціў кантроль над горадам, і цяпер сталіцай кіруюць нейкія «сматрашчыя».
Пры гэтым раней ён папрасіў Кабінет міністраў звольніць Клічко з пасады кіраўніка Кіеўскай гарадской дзяржаўнай адміністрацыі.
Віталь Клічко цяпер сумяшчае 2 пасады — «гарадскога галавы» (г.зн. абранага народам мэра) і старшыні Кіеўскай гарадской дзяржаўнай адміністрацыі, які прызначаецца цэнтральнымі ўладамі. Фармальна гэта 2 розныя пасады, хаця, пераважна, мэр горада станавіўся і кіраўніком адміністрацыі, за выключэннем 2010-2014 гадоў, калі гэтыя пасады знаходзіліся пад кантролем розных людзей. Каманда Зяленскага зноў дамагаецца раздзялення гэтых пасад.
-
Слон з мёртвым сланянём, каёт у Сан-Францыска, пума на агароджы… Вось якія работы сталі сёлетнімі пераможцамі конкурсу «Фатограф года дзікай прыроды»
-
Ілан Маск: Starlink нельга выкарыстоўваць для наступальных дзеянняў, а хуткасць і параметры вайсковых тэрміналаў вызначаюць Пентагон і Трамп
-
Для ўезду ў Казахстан беларусам трэба будзе запытваць пропуск за тры дні
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам23
Каментары