Знойдзеныя на гары Гедыміна ў Вільні парэшткі паўстанцаў перапахаваюць у лістападзе з удзелам беларускай дэлегацыі
Знойдзеныя ў Вільні, на гары Гедыміна, парэшткі ўдзельнікаў паўстання 1863-1864 гадоў перапахаваюць на віленскіх могілках у лістападзе. На цырымоніі перапахавання чакаюцца прэзідэнт Польшчы, прадстаўнікі Беларусі, Украіны, Латвіі, паведамляе Delfi.
Дакладная дата цырымоніі будзе залежаць ад таго, як будуць ісці справы з абсталяваннем капліцы для пахаванняў на могілках.
Вядома, што запрашэнне прыехаць у Вільню атрымалі прэзідэнт Польшчы Анджэй Дуда, а таксама ўрадавая дэлегацыя Беларусі. Пакуль што не ясна, ці будзе ў яе складзе беларускі прэм'ер Сяргей Румас. Што тычыцца Латвіі і Украіны, яны таксама будуць прадстаўлены, але на больш нізкім узроўні.
Паўстанцы будуць пахаваны з належнымі ўшанаваннямі. Лічыцца, што гэта будзе дадатковы цэнтр прыцягнення на могілкі і для літоўцаў, і для палякаў, і для беларусаў. Імёны паўстанцаў будуць запісаныя на літоўскай, польскай і беларускай мовах.
«Яна забрала дзяцей і вярнулася ў Мінск»: гісторыя беларуса, які эміграваў у Барселону з сям'ёй, а застаўся адзін18
Каментары