Візіт вярхоўнага прадстаўніка Еўрасаюза па замежных справах і палітыцы бяспекі Федэрыкі Магерыні ў Беларусь плануецца ў кастрычніку. Пра гэта паведаміла сёння кіраўнік прадстаўніцтва ЕС у Беларусі Андрэа Віктарын на сустрэчы з прэм'ер-міністрам Сяргеем Румасам, перадае БелТА.
«Федэрыка Магерыни збіраецца наведаць Мінск у кастрычніку, з міністрам замежных спраў Уладзімірам Макеем у нас было абмеркаванне даты візіту», — адзначыла Віктарын.
На яе думку, дасягнуты прагрэс у адносінах Беларусі і Еўрасаюза сапраўды можна назваць значным. «Я перакананая, што пакуль мы будзем чуць адзін аднаго, мы можам знаходзіць рашэнне любых праблем», — сказала кіраўнік прадстаўніцтва ЕС.
Андрэа Віктарын звярнула ўвагу, што візіты самага высокага ўзроўню ў Беларусь пачашчаюцца, краіна актыўная ва «Усходнім партнёрстве», і Брусэль надта гэта цэніць.
Асобна яна адзначыла намаганні Беларусі па ўрэгуляванні сітуацыі ва Украіне. «Беларусь займае вельмі канструктыўную пазіцыю адносна крызісу ва Украіне і іграе канструктыўную ролю ў яго ўрэгуляванні, і гэтую ролю прызнае ўся Еўрапейская камісія. Гэта садзейнічае ўсталяванню і ўмацаванню міру», — сказала Андрэа Віктарын.
Цяпер чытаюць
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў2
Каментары