У адэскай гасцініцы, дзе загінулі восем чалавек, начавалі 14 беларусаў
Пажар у гасцініцы «Токіа Стар» у Адэсе адбыўся ў ноч на 17 жніўня. У выніку пажару загінулі 8 чалавек, яшчэ 10 пацярпелі, піша РБК-Украіна.
Па дадзеных паліцыі, на момант пажару ў гасцініцы знаходзілася 200 чалавек, у тым ліку 29 замежнікаў: 14 грамадзян Беларусі, пяць Францыі, па двое грамадзян Турцыі і ЗША, грамадзяне Малдовы, Польшчы, Германіі і г.д.
Па дадзеных праваахоўнікаў, асноўнай версіяй пажару ў Адэсе з'яўляецца кароткае замыканне ў электрашчытавой побач з пральняй. Акрамя таго, разглядаецца яшчэ дзве магчымыя версіі: наўмысны падпал з мэтай утойвання забойства і неасцярожнае абыходжанне з агнём наведвальнікамі гатэля.
На гэты момант устаноўлены імёны ўсіх пацярпелых, апазнанне загінулых яшчэ мае быць.
«Токіа Стар» — адзін з самых бюджэтных гатэляў Адэсы, ён размешчаны побач з вакзалам у адным з будынкаў былога трамвайнага дэпо. Некаторыя нумары ў ім без вокнаў.
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?8
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары