29 верасня — Камоцкая, Памідораў, Варашкевіч, Хаменка ў канцэрце памяці Вітаўта Мартыненкі
Мінск, Палацы культуры імя Шарко (Уральская, 3). Пачатак а 19.00.
Аўтару азначэння «беларускі рок» 29 верасня споўнілася б 60 гадоў.
Беларускія музыкі ўшануюць памяць музычнага крытыка Вітаўта Мартыненкі, якому б 29 верасня споўнілася 60 гадоў. У гэты дзень
Кася Камоцкая, Аляксандр Памідораў, Алесь Лютыч, Ігар Варашкевіч, Алег Хаменка, Андрэй Плясанаў, Алесь Камоцкі і іншыя героі кніг аўтара выступяць з акустычным канцэртам у Палацы культуры імя Шарко (Уральская, 3) ў Мінску.
«Невядома, як бы сёння выглядала наша музыка, калі б не было Вітаўта. Але ён быў, і мы маем выбітных беларускіх артыстаў, аншлагавыя канцэрты і беларусаў, якія ведаюць і слухаюць сваё. Вітаўта Мартыненкі няма ўжо тры гады. Мы думалі, як ушанаваць яго памяць, і вось вырашылі гэта зрабіць да юбілею. Сёлета Вітаўту споўнілася б 60 гадоў», — расказвае арганізатар канцэрта, прадусар Віталь Супрановіч.
Да канцэрта будзе выдадзены зборнік песень, напісаных на вершы Мартыненкі або перакладзеных ім.
Вітаўт Мартыненка — журналіст, пісьменнік, музычны крытык.
Працаваў у «Чырвонай змене», на Беларускім тэлебачанні і радыё «Свабода», арганізаваў першы беларускі музычны хіт-парад. У 1985 годзе разам з Анатолем Мяльгуем стварыў першы ў Беларусі рок-клуб «Няміга». Удзельнічаў у арганізацыі фэстаў «Тры колеры», «Басовішча». Аўтар музыказнаўчых кніг «Праз рок-прызму», «222 альбомы беларускага року і не толькі», «Rock on-line». Памёр 17 красавіка 2016 года ад ускладненняў дыябету.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары