Журналісты «Нашай Нівы» пяты год запар перамагаюць у катэгорыі «расследаванні» нацыянальнай журналісцкай прэміі
Сёння Беларуская асацыяцыя журналістаў назвала лаўрэатаў штогадовага творчага конкурсу «Вольнае слова».
У конкурсе ўдзельнічалі сотні матэрыялаў. У шорт-ліст конкурсу трапілі больш за 20 артыкулаў і праектаў журналістаў розных рэдакцый — «Наша Ніва», Tut.by, «Звязда», Intex-press, «Еўрарадыё», «Белсат», «Рэгіянальная газета» ды інш.
Адразу двое нашаніўцаў сёлета ўганараваныя першай прэміяй (усяго прэмія мае чатыры катэгорыі).
Першае месца ў намінацыі «Расследаванні» атрымаў Арцём Гарбацэвіч за артыкул «Сетка: як Расія стварае ў Беларусі рэгіянальныя сайты на базе аўтараў з «Румола» і НОДа». З гонарам адзначаем, што «Наша Ніва» перамагае ў катэгорыі «расследаванні» ўжо пяты год запар! Прычым трэці год запар прэмію бярэ Арцём Гарбацэвіч.
А Святлана Курс перамагла ў намінацыі «Найлепшая публікацыя мастацка-публіцыстычнага жанру» за артыкул у «Нашай гісторыі» №4 за 2018 год «Нельга забыць: мы з вогненнай вёскі».
Арцём Гарбацэвіч кажа, што не перабольшвае ўплыў тых рэсурсаў, пра якія гаворыцца ў яго расследаванні: «Людзі перадусім хочуць чытаць не прапаганду, а навіны і цікавосткі. Але з гэтым у рэгіёнах бяда — у раёнак састарэлы падыход, яны не зацікаўліваюць, а «інфармуюць». На месцы Мінінфармацыі я б рабіў так — даваў невялікія гранты ў некалькі тысяч рублёў па конкурсе тым, хто хоча рабіць медыя пра свой раён. Гэта б патэнцыйна магло выгадаваць моцныя лакальныя рэсурсы, а раёнкі канкурэнцыя прымусіць варушыцца. Пакуль жа сітуацыя такая, што гранты на стварэнне лакальных рэсурсаў у Беларусі выдае суседняя дзяржава, а іх мэты — не зусім сяброўскія».
Вынікі конкурсу «Вольнае слова — 2019»
-
400‑тысячны артыкул апублікаваны на сайце «Нашай Нівы». А пра што былі 300-тысячны, 200-тысячны, 100-тысячны?
-
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам
-
Калі вы працуеце ў Польшчы, то можаце за хвіліну падтрымаць «Нашу Ніву» 1,5% падаходнага, не патраціўшы ані гроша. Вось як
Цяпер чытаюць
Адзін з загінулых сёння вайскоўцаў — 26‑гадовы мінчук Кірыл. Што пра яго вядома2
Каментары