Памёр расійскі рэжысёр Марк Захараў. Пра гэта РБК паведамілі ў дырэкцыі тэатра «Ленкам», дзе ён працаваў мастацкім кіраўніком.
Час і месца пахавання пакуль што невядомыя. 20 жніўня Захарава шпіталізавалі ў клінічную бальніцу з падазрэннем на запаленне лёгкіх. Акцёра выпісалі 9 верасня.
Марк Захараў нарадзіўся ў 1933 годзе ў Маскве. Пасля заканчэння інстытута ён некалькі гадоў займаўся рэжысурай у розных маскоўскіх тэатрах, а ў 1973 годзе стаў галоўным рэжысёрам Маскоўскага тэатра імя Ленінскага камсамола.
Сярод яго спектакляў — «У спісах не значыцца», «Юнона і Авось», «Памінальная малітва», «Каралеўскія гульні».
Захараў праславіўся і як кінарэжысёр, які ствараў фільмы ў тым ліку па творах Рыгора Горына і Яўгена Шварца, а таксама па ўласных сцэнарыях. Самыя вядомыя яго стужкі — «Звычайны цуд», «Той самы Мюнхгаўзен», «Формула кахання», «Забіць дракона», «12 крэслаў».
Каментары