Лукашэнка пра Службу бяспекі прэзідэнта: Дзякуючы вам у Беларусі захоўваецца мір і парадак
Кіраўнік дзяржавы ўзнагародзіў дзяржаўнымі ўзнагародамі шэраг ваеннаслужачых Службы бяспекі прэзідэнта, а таксама ўручыў пагоны старэйшаму афіцэрскаму складу СБП, перадае БЕЛТА.
Урачыстае мерапрыемства ў Палацы Незалежнасці прайшло напярэдадні 25-годдзя Службы бяспекі прэзідэнта. Аляксандр Лукашэнка назваў гэтую дату чарговы значнай вяхой у гісторыі гэтага падраздзялення.
«Чвэрць стагоддзя таму мы стваралі службу практычна з нуля. Не было асаблівых рэсурсаў, ды і вопыту. Але былі людзі і глыбокія традыцыі той вялікай краіны. Фармуючы падраздзяленне з новымі кампетэнцыямі, мы адбіралі лепшых супрацоўнікаў сілавых ведамстваў Беларусі - прафесіяналаў, патрыётаў з высокім пачуццём абавязку перад дзяржавай і народам», — падкрэсліў кіраўнік дзяржавы.
Ён адзначыў, што сёння ў распараджэнні СБП ёсць самая сучасная зброя, а супрацоўнікі службы здольныя якасна вырашаць самыя складаныя задачы ў любым пункце Беларусі, у экстрэмальных сітуацыях гатовыя дзейнічаць стрымана, выразна, зладжана, незаўважна, але эфектыўна.
Каментары