Бахарэвіч: Гэта дзень ганьбы беларускай літаратуры. Я выходжу з ПЭНа
Пісьменнік Альгерд Бахарэвіч у сваім фэйсбуку пракаментаваў вынікі Схода Беларускага ПЭН-цэнтра, што прайшоў у суботу ў Мінску.
«Пісьменьнікі мусяць думаць пра эрас і танатас, жыцьцё і сьмерць, свабоду і ўладу, уладу мовы і яе бясьсільле, пра шчасьце і яго немагчымасьць.
Калі нас прымушаюць забыцца пра ўсё гэта, мы ідзем на кангрэсы і галасуем. Дзеля таго, каб ніхто не замінаў нам выказвацца. У выніку мы маем бюракратычную балбатню і парушэньні ўсіх магчымых дэмакратычных працэдураў. А ў дадатак да ўсяго: хамства, ухваленьне гамафобіі, ігнараваньне з боку так званых «маральных аўтарытэтаў», зьнявагі і парушэньне ўсіх магчымых статутаў (Беларускі Пэн ёсьць часткай Міжнароднага, пра што забыліся і рада, і старшыня, і большасьць чальцоў; нічога, мы нагадаем).
Дагэтуль не разумею, як не-чальцы ПЭНу маглі так паўплываць на арганізацыю, у якую я плачу складкі. Сёньняшні дзень увойдзе ў гісторыю як дзень ганьбы беларускай літаратуры. Віншую, спадарства Арлоў, Баршчэўскі і г.д. Вы здолелі зрабіць тое, што ня здолелі лукашысты. Беларускага ПЭНа больш няма.
Напляваўшы на яго дэмакратычныя прынцыпы, вы ператварылі яго ў пасьмешышча. Я з ПЭНу выходжу, а са мной яшчэ некалькі дзясяткаў чалавек. Выдатнае дасягненьне. Ура!»
На сходзе ПЭН-цэнтра рвалі мандаты, але Севярынца аднавілі. А адзінства ўратавала Алексіевіч
«Дык дадому забяры алкаша абасцанага і выходжвай». Малады загадчык аддзялення бальніцы не стрымлівае сябе ў выразах у сацсетках24
Каментары