Беларуска выйграла тэнісны турнір адразу ў двух разрадах! Здарылася гэта сёння ўначы ў амерыканскім Мемфісе.
Беларуска Вікторыя Азаранка выйшла пераможцай тэніснага турніру Cellular South Cup Title, што праходзіў у Мефмісе (Тэнесі, ЗША).
У фінале адзіночнага разраду яна перамагла прадстаўнічку Даніі Караліну Вазняцкі -- 6:1, 6:3.
Самае цікавае, што адразу пасля гэтага пачаўся фінал парнага разраду, дзе Азаранка і Вазняцкі выступалі разам.
Беларуска-дацкі дуэт перамог Юліяну Федак/Міхаэлу Крайчак (Украіна/Галандыя) - 6:1, 7:6 (7:2).
Такім чынам Вікторыя Азаранка выйграла па другім сваім турніры – у індывідуальным і парных разрадах -- у кар’еры.
Першы індывідуальны турнір яна выйграла ў студзені ў Брысбене (Аўстралія), а першы парны турнір яшчэ ў кастрычніку 2006 г. у Ташкенце.
Што да адзіночнага турніру, дык гэта ж выдатна, выйграваць па турніры ў месяц. Два турніры ў сезоне выйграныя.
Цяпер чытаюць
Гэтая беларуская інстазорка дайшла да Playboy — але, у адрозненне ад многіх, не спынілася8
Каментары