Аляксандр Лукашэнка 7 лістапада сустрэўся з дарадцам па нацыянальнай бяспецы ААЭ шэйхам Тахнунам бен Заідам аль-Нахаянам. Пра гэта БЕЛТА паведамілі ў прэс-службе беларускага кіраўніка.
На сустрэчы былі абмеркаваны ўжо рэалізаваныя і перспектыўныя сумесныя праекты, у тым ліку ў сферы штучнага інтэлекту, яго прымянення ў розных сферах. «Я перш за ўсё хачу вам падзякаваць за тую адкрытасць, якую вы праяўляеце падчас майго візіту ў Эміраты. Не ва ўсім зразумелы, не ўсім зразумелы, нават яго актыўныя прапагандысты і распрацоўшчыкі не ведаюць, да чаго ён у рэшце рэшт прывядзе. Тым не менш, увесь свет рухаецца ў гэтым кірунку. І Эміраты інвестуюць каласальныя сродкі ў развіццё штучнага інтэлекту», - адзначыў беларускі кіраўнік.
Ён падкрэсліў, што прапанова азнаёміць беларускую дэлегацыю з узроўнем развіцця штучнага інтэлекту ў ААЭ заслугоўвае асаблівай павагі. «Бо гэтая сфера пакуль што дастаткова закрытая. Кожная краіна, калі яна займаецца штучным інтэлектам, хавае вынікі гэтага тварэння адзін ад аднаго. Вы праяўляеце найвышэйшую адкрытасць, і мы гэта вельмі цэнім», — сказаў Аляксандр Лукашэнка.
У завяршэнне Лукашэнка падарыў шэйху Тахнуну бен Заіду аль-Нахаяну беларускія прысмакі і створаную па старадаўняй тэхналогіі копію Слуцкага пояса.
Цяпер чытаюць
Што за Дзмітрый Скіндзераў, які абвясціў вайну Ціханоўскай? Супрацоўніцтва з ГУБАЗіКам, даўгі ў Беларусі, даўгі ў Літве30
Каментары