Урад Нямеччыны прыняў закон «Аб абароне ад адру», у адпаведнасці з якім прышчэпкі ад захворвання ў краіне зараз стануць абавязковымі. Закон, які ўступіць у сілу ў сакавіку 2020 года, закране дзяцей, якія наведваюць школы і дзіцячыя сады, а таксама персанал — як адукацыйных і медыцынскіх, так і іншых грамадскіх устаноў (напрыклад, турмаў і лагераў для бежанцаў). За адмову ад прышчэпкі пагражае штраф да 2500 еўра, паведамляе Deutsche Welle.
Да распаўсюджвання вакцыны ў 1963 годзе ад эпідэмій адру штогод паміралі больш за 2,5 мільёна чалавек. Прышчэпкі значна знізілі смяротнасць, але хвароба ўсё яшчэ існуе, і колькасць зарэгістраваных выпадкаў у апошнія гады толькі расце.
Адной з прычын росту захворвання на адзёр можна назваць адмову ад прышчэпак, якія лічацца нібыта небяспечнымі для разумовага і фізічнага развіцця дзяцей. Нягледзячы на тое, што бяспека прышчэпак неаднаразова пацвярджалася на вялікіх выбарках людзей, вакцынацыя не перастае выклікаць у бацькоў неспакой.
Для барацьбы з адмовай ад прышчэпак урады розных краін уводзяць законы, якія абмяжоўваюць наведванне школ і дзіцячых садоў непрышчэпленымі дзецьмі, як у Італіі, або якія пазбаўляюць бацькоў грашовай дапамогі, як у Аўстраліі.
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары