У Маладзечне супрацоўнікі ДАІ дапамаглі цяжарнай жанчыне дабрацца да радзільні. А потым яшчэ прыехалі на выпіску
У РАУС Маладзечна патэлефанаваў мужчына і папрасіў аб дапамозе. У аўтамабілі ён вёз у радзільню цяжарную жонку з Радашковічаў у Маладзечна. Калі жанчына зразумела, што ў яе пачаліся роды, муж і жонка Ганна і Аляксей Выгоўскія не сталі чакаць прыезду хуткай дапамогі, а паехалі ў радзільню на асабістай машыне, паведамляе Рэгіянальная газета са спасылкай на УУС Мінаблвыканкама.
Кіроўца звярнуўся да дзяжурнага з просьбай суправадзіць аўтамабіль з парадзіхай у межах горада. Гэта пасля 18.00. У гадзіну пік на дарогах вялікія заторы, на маршруце да радзільні шмат скрыжаванняў і святлафораў.
Старшы аператыўны дзяжурны маёр міліцыі Аляксандр Рынкевіч накіраваў нарад ДПС. Капітаны міліцыі Ягор Гіль і Дзмітры Адамовіч сустрэлі аўтамабіль з парадзіхай на першым коле на ўездзе ў Маладзечна.
Праз увесь горад экіпаж суправадзіў машыну з уключанымі пробліскавымі маячкамі.
Жанчыну своечасова даставілі ў радзільню, ёй аказалі неабходную дапамогу. Праз некалькі гадзін на лінію 102 паступіў званок ад бацькі. У сям’і Выгоўскіх нарадзілася дачка Лілія.
Як прызналіся інспектары ДПС, такі выпадак за гады службы ў іх упершыню. Павіншаваць бацькоў з нараджэннем дачкі міліцыянты прыехалі проста ў радзільню у дзень выпіскі жанчыны.
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы5
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары