Лукашэнка — прэзідэнту Кыргызстана: Нават у дробязях гатовыя падтрымліваць
Пра гэта ён заявіў сёння ў Бішкеку на сустрэчы з прэзідэнтам Кыргызстана Саоронбаем Жээнбекавым, піша БелТА.
«Нават у дробязях мы гатовыя вас падтрымліваць. Можаце ў гэтым не сумнявацца. Калі нешта трэба, вы скажыце, калі мы можам, абавязкова гэта зробім», — заявіў беларускі кіраўнік.
Лукашэнка ўпэўнены, што краінам пад сілу ў разы павялічыць узаемны тавараабарот. «Мы ніколі не будзем для вас чужымі людзьмі там — на захадзе. Калі нешта трэба, мы заўсёды гатовыя падключыцца і пры ўсіх роўных умовах аддаць прыярытэт Кыргызстану. Мы аднаўляем тое, што было ў Савецкім Саюзе, — адносіны і тавараабмен, і ўжо аднавілі. Нам не трэба спыняцца. трэба ісці далей. Калі Кыргызстан будзе такімі тэмпамі рухацца, я ўпэўнены, што за пяцігодку вы забудзецеся аб вялікіх праблемах», — падкрэсліў ён.
У 2018 годзе тавараабарот дасягнуў $ 130,9 млн, экспарт склаў $ 120,3 млн, імпарт — $ 10,6 млн. Па выніках студзеня-верасня 2019 года тавараабарот склаў $ 85,7 млн
Цяпер чытаюць
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю22
Каментары