Уладзіміру Чудзянцову прад'яўленыя абвінавачванні па частцы 1 артыкулу 328 КК РБ — «незаконныя без мэты збыту выраб, перапрацоўка, набыццё, захоўванне, перавозка або перасылка наркатычных сродкаў, псіхатропных рэчываў або іх прэкурсораў або аналагаў», паведаміў Свабодзе адвакат журналіста Аляксандар Галіеў.
Таксама абвінавачванні выставілі па ч. 1 арт. 328-1 (Незаконнае перамяшчэнне наркатычных сродкаў, псіхатропных рэчываў або іх прэкурсораў або аналагаў).
У кватэры журналіста ў Мінску былі знойдзеныя 6,02 грама марыхуаны. Ад дачы паказанняў Чудзянцоў адмовіўся, ён застаецца пад вартай у СІЗА Берасця, знаходзіцца за кратамі ўжо больш за тыдзень. Віны па выстаўленых абвінавачваннях Чудзянцоў не прызнае, піша Tut.by.
Паводле ч.1 арт. 328 КК РБ могуць пакараць абмежаваннем або пазбаўленнем волі на тэрмін да 5 гадоў.
Паводле другога абвінавачання — да 7 гадоў са штрафам або без.
Пра затрыманне Уладзіміра Чудзянцова стала вядома 22 лістапада ад ягоных сяброў. Паводле неафіцыйнай інфармацыі, раніцай 21 лістапада Уладзімір Чудзянцоў выехаў з Мінска ў Варшаву. У Берасці ён меў перасесці на іншы цягнік. Затрыманне адбылося ўжо пасля адпраўлення цягніка з Берасця. Падчас памежнага мытнага кантролю ў рэчах журналіста знайшлі пакецік з наркатычным рэчывам. Чудзянцова знялі з цягніка і даставілі ў міліцэйскі пастарунак, адкуль пазней перавялі ў СІЗА.
У панядзелак 25 лістапада стала вядома, што Уладзімір Чудзянцоў затрыманы на 2 месяцы. Афіцыйнае абвінавачанне яму было выстаўлена ў суботу, 30 лістапада.
-
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
-
«Байсол» абвінаваціў Стрыжака ў адмове перадаць кантроль над юрыдычнымі асобамі ў Польшчы і ЗША
-
Дэпартаваным палітвязням, каб абжыцца на новым месцы, зараз трэба простыя рэчы: вопратка, посуд, пасцель — збор
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам13
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2020
Каментары