Гістарычная перамога кансерватараў. У Вялікабрытаніі аб'явілі вынікі парламенцкіх выбараў
У пятніцу ў Вялікабрытаніі аб'явілі афіцыйныя вынікі пазачарговых парламенцкіх выбараў, піша ВВС. Пасля завяршэння падліку галасоў ва ўсіх 650 акругах, пераможцам прызнана Кансерватыўная партыя прэм'ера Борыса Джонсана.
Торы атрымліваюць у новым парламенце 365 мандатаў (на 47 мандатаў больш). Гэта з'яўляецца абсалютнай большасцю і найлепшым вынікам з 1987 года — часоў прэм'ерства Маргарэт Тэтчэр.
Апазіцыйная Лейбарысцкая партыя атрымлівае 203 мандаты (мінус 59 мандатаў), што з'яўляецца найгоршым вынікам у гісторыі партыі.
Шатландская нацыянальная партыя размясцілася на трэцім месцы з 48 мандатамі (на 13 больш), Ліберальныя дэмакраты атрымліваюць 11 мандатаў (на адзін менш).
Пазачарговыя выбары ў Вялікабрытаніі адбыліся 12 снежня.
Пераканаўчая перамога торы дазволіць прэм'ер-міністру Джонсану выканаць абяцанне аб выхадзе краіны са складу Еўрапейскага Саюза.
Каментары