Усяго патроху33

Без шуму і пылу

Учора ў Бабруйску пахавалі самага знакамітага крымінальнага аўтарытэта з Беларусі, калі не лічыць такім сябра Аль Капонэ Джэка Гузіка. Фотарэпартаж БелаПАН з Бабруйска.

Пахаванне крымінальнага аўтарытэта Уладзіміра Бірукова, што адбылося 5 сакавіка ў Бабруйску (Магілёўская вобласць), прайшло без інцыдэнтаў. Супрацоўнікі міліцыі назіралі за падзеямі на адлегласці.

Жалобная калона рухалася, выконваючы правілы дарожнага руху. У ёй пераважалі машыны сярэдняга класа, з нумарамі Магілёўскай вобласці, але было і некалькі машын расійскай «прапіскі».

Бірукова пахавалі на Мінскіх могілках Бабруйска побач з бацькам і іншымі сваякамі.

Выхадзец Бабруйска Бірукоў, вядомы ў крымінальным свеце пад мянушкамі Бірук або Біра, — найбагацейшы выхадзец з Беларусі, які адносіў сябе да катэгорыі «злодзеяў у законе».
У канцы 1990‑х гадоў уцёк з Беларусі. Яму было прад’яўлена абвінавачанне ў вымантачванні і махлярстве.

У 2003 годзе Бірукоў затрымоўваўся праваахоўнымі органамі Расіі па просьбе беларускага боку, але быў адпушчаны, бо з 2001 года з’яўляўся грамадзянінам Расійскай Федэрацыі і не ўчыняў злачынстваў на тэрыторыі гэтай краіны.

У 2008 годзе Бірукоў быў абвешчаны беларускімі праваахоўнымі органамі ў міжнародны вышук па падазрэнні ў арганізацыі незаконнай скупкі нерухомасці ў Бабруйску. 19 лютага 2009 года яго затрымалі ў Маскве, але на наступны дзень адпусцілі, бо ў расійскага боку прэтэнзій да яго не было. 28 лютага Бірукоў памёр у Маскве ад вострай сардэчнай недастатковасці.

Цела Бірукова было дастаўлена на радзіму вечарам 3 сакавіка. Пахаванне планавалася на 4 сакавіка. Паводле адной з версій, прычынамі пераносу стала правядзенне экспертыз, якія пацвердзілі, што памерлы — Уладзімір Бірукоў.

Васіль Сямашка, БелаПАН

Каментары3

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА32

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА

Усе навіны →
Усе навіны

П'яны васьмікласнік у Гомелі ў гандлёвым цэнтры біў нагамі супрацоўнікаў міліцыі12

Аўтамабіль пад Мінскам сутыкнуўся адразу з трыма ласямі1

Ад заўтра зноў пачне халадаць2

Каля Сбер банка ў Мінску адкрываюць помнік качцы

На канферэнцыі Reshape 2025 абурыліся «тысячамі канферэнцый», абвінавацілі Ціханоўскую ў дыктатуры і ацанілі вынікі 5 гадоў у эміграцыі28

«Тое, што Ізраіль зрабіў з Іранам, — гэта тое, што Расія хацела зрабіць з Украінай»18

Жанчына злавіла на Прыпяці гіганцкага таўсталобіка. Яго вага — каля 60 кг3

Дзяўчынцы з Польшчы, ахвяраваць грошы якой заклікаў беларус, сабралі патрэбную суму1

Пяць фактаў пра новага прэс-сакратара МЗС, які хамаватасцю косіць пад Марыю Захараву10

больш чытаных навін
больш лайканых навін

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА32

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА

Галоўнае
Усе навіны →

Заўвага:

 

 

 

 

Закрыць Паведаміць