Лукашэнка: Мы з Пуціным дамовіліся «дарожную карту» пра адзіную валюту не абмяркоўваць
Аляксандр Лукашэнка сказаў у інтэрв'ю радыёстанцыі «Эхо Москвы», што раней было дасягнута пагадненне з прэзідэнтам Расіі Уладзімірам Пуціным не абмяркоўваць 31-ю «дарожную карту»
«Мы дзве суверэнныя дзяржавы — Беларусь і Расія. Мы зараз прасоўваем тую інтэграцыю, якая ніколькі не прымяншае суверэнітэт ні Расіі, ні Беларусі. Што тычыцца сучаснага моманту па інтэграцыйных пытаннях. Ёсць 31 план, «дарожная карта» — гэта план будаўніцтва над нацыянальнымі органамі: парламент, прэзідэнт і іншае. Мы наогул на гэтую тэму з Пуціным дамовіліся не размаўляць», — сказаў ён.
Паводле слоў Лукашэнкі, урад Расіі паспрабаваў зноў прапанаваць абмеркаванне 31-й «дарожнай карты», але гэтая тэма па дамоўленасці з У.Пуціным была выключаная яшчэ на сустрэчы ў Сочы.
«Ва ўрадзе паспрабавалі ўвязаць гэтыя 31 карты, у асноўным эканамічныя пытанні: мытня, эканоміка, абарона, прастора. Планы тых шляхоў, па якіх ужо рухаемся. У аснове - гэта эканоміка. А 31 карта — гэта план будаўніцтва або завяршэнне — дах над нацыянальнымі органамі. Мы наогул выключылі размову на гэтую тэму яшчэ ў Сочы. Прэзідэнт Пуцін сказаў, што «мы з прэзідэнтам Беларусі дамовіліся, мы наогул не чапаем гэтыя пытанні», — сказаў Лукашэнка
Расія патрабуе ад Беларусі ўвядзення адзінай валюты
«Няма нічога падобнага»: Нацбанк пракаментаваў словы Мядзведзева пра адзіную валюту і эмісійны цэнтр
Круты: Беларусь збіраецца за тры дні ўзгадніць увесь інтэграцыйны пакет
Цяпер чытаюць
Гістарычныя +40,4°C у Пінску — гэта толькі разагрэў. Беларусь уваходзіць у новую кліматычную эру і на вачах стане лесастэпам8
Каментары