Беларускія памежнікі ўзмацнілі санітарна-каранцінны кантроль у пунктах пропуску ў сувязі з успышкай пнеўманіі ў кітайскім горадзе Ухань, справакаванай каронавірусам 2019-nCoV. Пра гэта БелТА паведамілі ў Дзяржпагранкамітэце.
Падчас узмоцненага кантролю памежнікі будуць звяртаць увагу на людзей з вонкавымі прыкметамі інфекцыйных захворванняў. У выпадку выяўлення такіх грамадзян іх выведуць з агульнага патоку, каб пазбегнуць кантакту з навакольнымі. Затым запросяць медыцынскіх работнікаў для далейшага абследавання.
Колькасць хворых на пнеўманію новага тыпу ў Кітаі перавысіла 570, каля 6 тысяч чалавек на карантыне. У Расіі з падазрэннем на гэту хваробу шпіталізаваныя двое.
Цяпер чытаюць
«Я яб*н, таму і пайшоў». Малады беларус кінуў цяжарную жонку і паехаў на вайну, пасля здрадзіў ёй дый загінуў14
Каментары