Канцэрн «Белнафтахім» будзе трымацца стратэгіі плаўнай змены цэн на паліва, паведаміў намеснік старшыні канцэрна «Белнафтахім» Уладзімір Сізоў, размаўляючы сёння з грамадзянамі, перадае БЕЛТА.
«Змена цэн на нафтапрадукты на ўнутраным рынку адбываецца плаўна па ўзгодненай стратэгіі, прадугледжана карэкціроўка на адну капейку. Зараз гэта рост, але была практыка зніжэння на адну капейку», — адзначыў Уладзімір Сізоў.
Намеснік старшыні «Белнафтахіма» нагадаў, што кошт паліва залежыць ад некалькіх складнікаў: кошту сыравіны, дамоўленасцяў з пастаўшчыкамі, падатковай нагрузкі, курсаў валют.
«Мы вымушаны купляць нафту за валюту, таму ваганні валюты таксама адлюстроўваюцца на цане нафтапрадуктаў», — растлумачыў ён.
Пры гэтым Уладзімір Сізоў звярнуў увагу, што, калі цана нафты расце на 10-15%, росту цэн на нафтапрадукты на такую ж велічыню не назіраецца — карэкціроўка адбываецца на 1 капейку.
Цяпер чытаюць
«Ні пра што не шкадуй, Света. Жыве Беларусь». Святлана Курс напісала ліст самой сабе, 15‑гадовай4
«Ні пра што не шкадуй, Света. Жыве Беларусь». Святлана Курс напісала ліст самой сабе, 15‑гадовай
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1818
Каментары