У адным з офісаў Мінска на ўваходзе мераюць тэмпературу наведвальнікаў
У сацсетках з'явілася інфармацыя, што пры ўваходзе ў мінскі офіс Huawei мераюць тэмпературу наведвальнікаў. Як даведаўся 42.TUT.BY, гэта рэальна існуючыя меры засцярогі.
Жыхар Мінска, які папрасіў не называць яго імя, распавёў, што ён не змог прайсці ў офіс Huawei, бо ў яго зафіксавалі тэмпературу цела вышэй за 37 градусаў.
— На рэсепшэне наведвальнікаў, якія ідуць у офіс з раніцы, правяраюць. І калі больш за 37, то не пускаюць. Так, <тэрмометр> трымае чалавек, прычым у яго дзве розныя мадэлі для зверкі, — паведаміў ён.
У офісе Huawei не далі афіцыйнага каментара. Але распавялі, што такія меры прымаюцца ў рамках ўнутранай праграмы па абароне ад віруса ў офісах кампаніі ў розных краінах.
Каментары