Ва ўзросце 45 гадоў не стала кампазітара, аранжыроўшчыка, клавішніка Дзмітрыя Пенкрата. Афіцыйным месцам працы Пенкрата быў Дзяржаўны ансамбль танца, там ён быў загадчыкам музычнай часткі. У калектыве пра смерць супрацоўніка даведаліся сёння ранкам.
Тэлеграм-канал «Папаратар» паведаміў, што прычынай смерці стаў суіцыд. «НН» спраўдзіла гэтую інфармацыю ў некалькіх крыніцах, якія пацвердзілі тую ж прычыну смерці музыканта.
Дзмітрый Пенкрат быў вядомым чалавекам у музычнай тусоўцы Беларусі. Ён працаваў разам з Георгіем Калдуном, Ірынай Дарафеевай, а таксама з шэрагам іншых творцаў. У Дзмітрыя Пенкрата засталася жонка, а таксама трое дзяцей.
Развітанне з музыкам адбудзецца 4 сакавіка на Паўночных могілках. Сваякі просяць прыносіць толькі жывыя кветкі.
Каментары