Усіх, хто кантактаваў з хворымі на каранавірус, медыкі звозяць на 14-дзённы каранцін у шпіталі. Хатні каранцін не прадугледжаны, а хуткая можа прыехаць па чалавека ў любы час. Як у такой сітуацыі быць гаспадарам катоў і сабак?
У Міністэрстве аховы здароўя парадаў на гэты конт не даюць і выключэнняў не робяць. «Жывёламі мы не займаемся», — коратка патлумачылі ў прэс-службе.
Стваральніца цэнтра па абароне жывёл «Анімалекс» Настасся Жаўрыд кажа, што выйсце толькі адно — загадзя прадумаць план дзеяння.
«Пажадана, каб было некалькі варыянтаў ператрымкі. Звычайна просяць сваякоў ці сяброў. Лепш пакідаць гадаванца дома, ва ўмовах, да якіх ён прывык. Але калі з катом гэта рэальна, хтосьці можа прыйсці і пакарміць, то з сабакам складаней. Мае сэнс хаця б з суседзямі дамовіцца, каб яны ключы перадалі таму, хто прыедзе даглядаць.
Тым, хто будзе забіраць сабаку на ператрымку, трэба ведаць, што сабака можа весці сябе не вельмі добра. Праз стрэс ён можа выць, драпацца», — папярэджвае Настасся Жаўрыд.
Калі давядзецца забіраць гадаванца на таксі, абавязкова трэба папярэджваць пра гэты нюанс пры замове. З маленькімі сабакамі звычайна няма праблем — іх можна пасадзіць на калені ці везці ў пераносцы. Вялікіх не ўсе гатовы пусціць у салон — усё залежыць ад кіроўцы і службы таксі.
Варыянтам можа быць і зоагасцініца. Але зноў жа, трэба папярэдне дамовіцца з кімсьці з блізкіх, каб гадаванца туды завезлі.
Настасся Жаўрыд кажа, што ў сувязі з каранцінам ужо былі выпадкі, калі кошкі прасядзелі дзень, замкнёнымі ў прыбіральні. Пасля іх забралі да сябе сябры тых, хто аказаўся ў шпіталі.
Не забывайцеся, што каранавірус не перадаецца праз хатніх гадаванцаў.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары20
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»11
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары