Улады Туркменістана забаранілі выкарыстоўваць слова «каранавірус» і выключылі яго з ужытку з мэтай схаваць інфармацыю аб пандэміі. Пра гэта піша lenta.ru са спасылкай на партал арганізацыі Reporters Without Borders (RSF).
Паводле звестак праваабаронцаў, усім СМІ ў краіне забаранілі выкарыстоўваць слова «каранавірус» у публікацыях. Яно было таксама выключана з адмысловай брашуры, якую міністэрства аховы здароўя Туркменістана рассылае ў навучальныя ўстановы, бальніцы і на працоўныя месцы.
У той жа час, грамадзяне, якія носяць маскі на вуліцы і кажуць пра пандэмію каранавіруса ў свеце, могуць быць арыштаваныя супрацоўнікамі органаў унутраных спраў у цывільным.
Раней прэзідэнт Туркменістана Гурбангулы Бердымухамедаў у ходзе пасяджэння ўрада параіў грамадзянам абараняцца ад вірусаў старадаўнім народным сродкам — дымам гармалы.
Лідар краіны адзначыў, што на працягу тысячагоддзяў продкі туркменаў стварылі нацыянальныя метады барацьбы са шкоднымі звычкамі і прафілактыкі розных інфекцыйных захворванняў.
Паводле апошніх звестак, у Туркменістане не зафіксавана ніводнага выпадку заражэння каранавірусам.
Каментары