Віцебскае навукова-вытворчае прадпрыемства ТАА «СІВітал» сёння прыступіла да вырабу тэст-сістэм для дыягностыкі каранавіруса, перадае БелТА.
Група навуковых супрацоўнікаў пад кіраўніцтвам доктара медыцынскіх навук прафесара Віцебскага дзяржаўнага медыцынскага ўніверсітэта Валерыя Сямёнава распрацавала тэст-сістэмы для выяўлення небяспечнага віруса. Міністэрства аховы здароўя ў паскораным рэжыме правяло сертыфікацыю і выдала допуск на вытворчасць тэст-сістэм.
«У цяперашняй сітуацыі мы перапынілі асноўныя работы і стварылі тэст-сістэму для дыягностыкі каранавіруснай інфекцыі. Вірус досыць складаны», — адзначыў Валер Сямёнаў. Паводле яго слоў, стаіць задача забяспечыць прадукцыяй у першую чаргу Віцебскую вобласць і затым ўсю краіну. «На выяўленне віруса нашай сістэмай будзе затрачвацца 45 хвілін. Сама ампліфікацыя доўжыцца 1,5 гадзіны, але там можна адразу зрабіць 96 даследаванняў», — дадаў вучоны.
На працягу 10 дзён кампанія збіраецца выпусціць 100 тысяч тэстаў з нарошчваннем магутнасцяў.
У Віцебскай вобласці ёсць тры спецыялізаваныя лабараторыі, якія змогуць выкарыстоўваць тэст-сістэмы для выяўлення віруса.
Цяпер чытаюць
Дзмітрый Семчанка: Я прыйшоў у пул Лукашэнкі біцца з Расіяй22
Каментары