У суботу, 25 красавіка, нягледзячы на пандэмію каранавіруса, у краіне пройдзе рэспубліканскі суботнік. На днях Аляксандр Лукашэнка заявіў, што цяпер няма падстаў для пераносу або адмены суботніка. TUT.BY даведаўся, дзе будзе працаваць прэм'ер-міністр, віцэ-прэм'еры і некаторыя міністры.
Прэм'ер-міністр Сяргей Румас, яго намеснікі, а таксама «куратар» рэспубліканскага суботніка віцэ-прэм'ер Уладзімір Кухараў, старшыня Мінаблвыканкама Аляксандр Турчын і міністр лясной гаспадаркі Віталь Дрожжа будуць саджаць лес у Капыльскім лясгасе.
Кіраўнік Нацбанка Павел Калаур і частка калектыву Нацбанка, якая прымае ўдзел у суботніку, правядуць яго на працоўных месцах.
На працоўным месцы, паводле папярэдняй інфармацыі, застанецца і кіраўнік МУС Юрый Караеў.
Калектыў і кіраўніцтва МЗС, уключаючы міністра Уладзіміра Макея, у рамках суботніка навядуць парадак на замацаванай за міністэрствам тэрыторыяй і правядуць уборку на працоўных месцах.
Пару дзён таму Аляксандр Лукашэнка расказаў, што плануе правесці суботнік у рэгіёне, пацярпелым ад аварыі на Чарнобыльскай АЭС. У гадавіну трагедыі ён наведвае гэтыя раёны, у гэты раз застанецца і на суботнік.
Каментары