З 4 па 14 мая грамадская культурніцкая кампанія «Будзьма беларусамі!» і інтэрнэт-крама беларускіх адметнасцяў budzma-krama.by ладзяць дабрачынную акцыю «Дапаможам разам!». 50% ад сумы кожнай пакупкі будуць пералічаныя дабрачыннаму фонду «Добра тут» у падтрымку дамоў-інтэрнатаў для людзей з асаблівасцямі псіхафізічнага развіцця.
У сувязі з пандэміяй каранавіруса грамадскую культурніцкую кампанію «Будзьма беларусамі!» моцна хвалюе тое, што па-за ўвагай і дзяржавы, і грамадства засталіся ўразлівыя групы насельніцтва — людзі з асаблівасцямі псіхафізічнага развіцця.
Вельмі важна, што і валанцёры, і грамадскія ініцыятывы дапамагаюць медыкам, якія штохвіліну змагаюцца за жыццё людзей — наша з вамі жыццё. Але важна падтрымаць і абараніць і тых, хто слабы, хто не ў стане сам паклапаціцца пра сябе, — дарослых і дзяцей з разнастайнымі захворваннямі, якія пражываюць у дамах-інтэрнатах і не маюць магчымасці захоўваць сацыяльную дыстанцыю.
З 4 па 14 мая кампанія «Будзьма беларусамі!» ладзіць акцыю «Дапаможам разам!». Кожны, хто цягам пазначанага тэрміну набудзе любую рэч у інтэрнэт-краме «Будзьма», мае магчымасць далучыцца да гэтай дабрачыннай акцыі. 50% ад сумы кожнай пакупкі будуць пералічаныя ў дабрачынны фонд «Добра тут», які займаецца падтрымкай дамоў-інтэрнатаў для дзяцей і дарослых з асаблівасцямі псіхафізічнага развіцця.
Зрабіць дабро так проста! Набывайце ў краме budzma-krama.by прыгожыя і карысныя рэчы з беларускім характарам, рабіце прыемнасці сабе і блізкім і дапамагайце тым, каму гэта сапраўды патрэбна.
Акцыя «Маска ў падарунак» пры замове ад 30 рублёў дзейнічае па 14 мая.
Цяпер чытаюць
Айцішніка з «Варгеймінга» судзілі па расстрэльным артыкуле. Падобна, за падтрымку Украіны — праўда, зрабіць ён нічога не паспеў2
Каментары