Расійская актрыса Аляксандра Борціч падтрымала пікет гродзенцаў
Расійская актрыса Аляксандра Борціч выступіла ў падтрымку гродзенцаў, якія прыйшлі 31 мая на Савецкую плошчу падпісацца за канкурэнтаў Аляксандра Лукашэнкі. Відэа і словы падтрымкі яна апублікавала ў сторыс на сваёй старонцы ў Instagram. На гэта звяртае ўвагу Hrodna.life.
«Людзі, які шалёны гонар бачыць вашу сілу. Я ў захапленні велізарным! Прашу вас, не спыняйцеся, і мы будзем вольныя!» — напісала Аляксандра Борціч.
У актрысы беларускія карані. Яна нарадзілася ў Светлагорску, але пасля разводу бацькоў пераехала ў Гродна, дзе яе выхоўвала бабуля да 10 гадоў. У той час маці Аляксандры жыла ў Маскве, пасля яна забрала дачку да сябе.
Борціч любіць Гродна і час ад часу прыязджае ў гэты горад сустракацца з бабуляй і сябрамі. Пра актрысу загаварылі ў Беларусі пасля прэм’еры расійскага фільма «Вікінг» (2017), дзе Борціч іграла ролю князёўны Рагнеды.
Джэфры Эпштэйн некалькі разоў атрымліваў візу ў Беларусь. І дакладна наведваў нашую краіну7
Каментары