Спадзяванні ўлад Швецыі на тое, што насельніцтва зможа масава выпрацаваць імунітэт супраць каранавіруса, не апраўдаліся, паведамляе Reuters.
Новае даследаванне паказала, што антыцелаў выпрацоўваецца менш, чым чакалася.
Швецыя абрала больш ліберальную стратэгію падчас пандэміі, захоўваючы большасць школ, рэстаранаў, бараў і прадпрыемстваў адкрытымі, тады як большая частка Еўропы хавалася за зачыненымі дзвярыма. Шведскі досвед прыгадваўся і беларускімі афіцыйнымі СМІ для падмацавання стратэгіі адмовы ад каранціну, абранай беларускай уладай.
Хоць чыноўнікі агенцтва аховы здароўя Швецыі падкрэсліваюць, што так званы калектыўны імунітэт не з'яўляецца самамэтай, яно таксама заявіла, што стратэгія заключаецца толькі ў тым, каб запаволіць пашырэнне віруса настолькі, каб медыцынскія службы справіліся з ім, а не здушыць яго цалкам.
Тым не менш, даследаванне паказала, што толькі каля 6,1% шведаў выпрацавалі антыцелы — гэта значна ніжэй за ўзровень, які лічыцца дастатковым для дасягнення нават частковага калектыўнага імунітэту.
Калектыўны імунітэт, калі дастатковая колькасць людзей у папуляцыі выпрацавала адпорнасць да інфекцыі, каб быць у стане эфектыўна спыніць яе пашырэнне, не вывучаўся на новым коронавирусе, і ступень і працягласць імунітэту сярод тых, што адужалі хваробу, таксама нявызначаныя.
У Швецыі ў сераду было больш за 5 000 смерцяў ад каранавіруса, што ў шмат разоў вышэй на душу насельніцтва, чым у яе паўночных суседзяў, але таксама ніжэй, чым у некаторых краінах, якія выбралі строгі каранцін, як Вялікабрытанія, Іспанія і Італія.
Цяпер чытаюць
Каледж хацеў засудзіць студэнта і спагнаць з яго 13 тысяч рублёў — але юнак даў адпор сістэме4
Каментары