Дастойнаму сьвятарству і вернікам Беларускае Аўтакефальнае Праваслаўнае Царквы.
- «Вялік сьвяты нам дзень настаў…» (зь песьні валачобнікаў)
Сардэчна віншую вас, дарагія браты й сёстры, зь вялікім сьвятам Пасхі Хрыстовае ! У гэтым сьвяце — сутнасьць Хрысьціянскае веры, бо дзякуючы Хрыстоваму Ўваскрасеньню, мы атрымалі жыцьцё вечнае.
Сьвяты Кірыла Тураўскі, Беларускі Залатавусны, у сваім «…на Сьвятую Пасху…казаньні», піша : «Усе ж мы вераю Боскае Пасхі прычасьціліся, намажам вусны Божаю кроўю, што ёсьць сутнасьцю—духоўнаму дому дзьвярмі, ды не падступяцца д’ябалы, што хочуць нас забіць грахом».
Ахвяраю Хрыста быў пераможаны грэх і адноўлены ў чалавеку вобраз Божы, і гэта, калі мы адкідаем свае заганы, дае нам моц у пераадольва‑ньні ўсялякіх штодзённых цяжкасьцяў, веру ў перамогу дабра над злом.
Таму мы павінны працаваць над духоўным багацьцем свае душы і захо‑ўваць яе ў чысьціні. Тады зможам сапраўды цешыцца гэтаму сьвяту су‑польна з усім сьветам, бачным і нябачным, адчуць радасьць яднаньня з Богам, угледзець у Ім крыніцу праўды і свабоды, якія збавяць нас.
Сьвяткуючы гэтае сьвята над сьвятамі, мы, як і калісьці нашыя дзяды, думаем і аб уваскрасеньні Беларусі,‑ адраджэньні ейных духоўных і дзяржаўных традыцыяў, аднаўленьні Беларускага Праваслаўя.
У гэты сьветлы дзень Гасподняе Пасхі жадаю ўсім багалюбным верні‑кам у Беларусі і тым, хто жыве на Чужыне, веры ў уваскрасеньне нашае для будучага незямнога жыцьця, надзеі на лепшую долю свае сям’і і свайго народу на нашым зямным шляху, і каб любоў нашая да Бога, людзей і Бацькаўшчыны была ўзаемнай.
Дык няхай у Сьвятой Беларусі заўсёды ў Вялікодную ноч у бажніцах звоняць ува ўсе званы, абвяшчаючы ўсяму сьвету —
Хрыстос Уваскрос ! Сапраўды Ўваскрос !
-
«Не было б БНФ — не было б і сесіі. Не сабраліся б на яе камуністы». Навумчык рэзка адказаў «абвяргацелю» Цыганкову
-
«Лірыка пра тое, што 25 жніўня 1991 года нехта прыгожа выступіў, і ўсе памянялі свае погляды — гэта для мастацкага кіно»
-
Таццяна Заміроўская напісала, чаму яна прыходзіць у каменты да людзей, якія ставяць у сябе ў сацсетках пасты, напісаныя ШІ
Цяпер чытаюць
35 маладых беларусаў і беларусак, за якімі варта сачыць: апублікаваны першы спіс Next 3523
Каментары