Давайце апублікуем вынікі па кожным участку? Ярмошына: Не, бо пратаколы не прадастаўляюцца ў ЦВК
А што, калі публікаваць на сайце Цэнтрвыбаркама вынікі галасаванання па кожным участку? Такую прапанову даслаў Лідзіі Ярмошынай старшыня Беларускай сацыял-дэмакратычнай партыі (Грамада) Ігар Барысаў.
Ён тлумачыць, што падобнай практыкі прытрымліваюцца ўсе суседнія краіны — Расія, Украіна, Польшча, Літва, Латвія. «Адкрыццё такіх звестак павысіць давер грамадскасці да вынікаў выбараў, а таксама пацвердзіць статус Беларусі як IT-краіны», — перакананы Барысаў.
Старшыня Цэнтрвыбаркама Лідзія Ярмошына ідэю зусім не ацаніла. Яна зрабіла выгляд, што паколькі старшыні ўчастковых камісій завозяць свае пратаколы ў тэрытарыяльную камісію, то ў Мінску пра гэтыя лічбы нічога не ведаюць.
«У Цэнтральную камісію не прадстаўляюцца пратаколы ўчастковых камісій аб выніках падліку галасоў, у сувязі з чым інфармацыя па ўчастках на афіцыйным сайце не публікуецца», — гаворыцца ў езуіцкім адказе, не падпісаным нікім.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары