Затрыманы паліттэхнолаг Шкляраў заяўляе, што нікога не мабілізоўваў і не каардынаваў
Затрыманы 29 ліпеня ў Гомелі паліттэхнолаг Віталь Шкляраў упэўнены, што яго затрымалі і пераследуюць па палітычных матывах, паведаміў Tut.by адвакат Антон Гашынскі, які наведаў сёння свайго падабароннага.
— Віталь выглядае прыгнечаным, ён упэўнены, што яго затрымалі незаконна, і тое, у чым яго абвінавацілі, не паддаецца ніякай крытыцы. Ён лічыць сябе пацярпелым за тыя артыкулы, якія ён пісаў — гэта відавочна палітычны пераслед. Фактычна гэта першы паліттэхнолаг, якога пераследуюць за яго каментары, — заявіў адвакат.
Гашынскі таксама распавёў, што Шклярава ўжо некалькі разоў перакідвалі з камеры ў камеру і ён быў там з асобамі, якія ўжо асуджаны за злачынствы.
Паліттэхнолаг заяўляе, што з Сяргеем Ціханоўскім ён ніяк не ўзаемадзейнічаў, нікога не «мабілізаваў» і нічога не «каардынаваў», больш за тое, яго ў момант тых падзей не было ў Беларусі.
-
Расійская спявачка Вікторыя Дайнека мала таго што пракацілася з канцэртамі па акупаваных тэрыторыях, дык яшчэ і пастраляла
-
Статкевіч: Зараз толькі фармальная незалежнасць пакуль ратуе нас ад наўпроставага ўцягвання ў расійска-ўкраінскую вайну
-
Завяршыць рамонт моста цераз Свіслач у Мінску плануюць да пачатку верасня
Цяпер чытаюць
Каледж хацеў засудзіць студэнта і спагнаць з яго 13 тысяч рублёў — але юнак даў адпор сістэме5
Каментары