Качанава прагаласавала датэрмінова і распавяла, які выбар зрабіла
Старшыня Савета Рэспублікі Наталля Качанава прыняла сёння ўдзел у галасаванні на выбарчым участку №4 у Мінску, перадае карэспандэнт БелТА.
Качанава распавяла, што галасуе сёння датэрмінова з-за шчыльнага працоўнага графіка. «Мы працуем сёння, працуем і заўтра. Сёння якраз ёсць вольны час, каб прагаласаваць — гэта наша права. Заўтра будзе шмат працы, таму што прэзідэнт даручыў падключыцца нам як сенатарам да працы з ЦВК у плане арганізацыйных пытанняў там, дзе мы маем кампетэнцыю і можам дапамагчы як члены Савета Рэспублікі, паколькі гэта важнае палітычнае мерапрыемства, якое тычыцца кожнага», — патлумачыла яна.
Па словах Качанавай, свой выбар яна зрабіла «на карысць стабільнасці роднай краіны, а таксама палітыкі, скіраванай на дабрабыт беларускага народа». «Мой курс нязменны — хачу, каб мае дзеці і ўнукі жылі ў такой краіне, у якой жыву цяпер я», — распавяла Наталля Качанава.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім13
Каментары