БТ паказала «беларуса», які падтрымлівае Лукашэнку. Ён аказаўся членам КПРФ з Масквы
У навінах на БТ-1 выйшаў сюжэт пра акцыю ў падтрымку Аляксандра Лукашэнкі, што адбылася вечарам 8 верасня. Адзін з «неабыякавых беларусаў» аказаўся грамадзянінам Расіі, адзначае reform.by.
Некалькі дзясяткаў чалавек пад чырвона-зялёным сцягам, а таксама пад чырвонымі і чорна-аранжавымі сцягамі НОД прайшлі вечарам ад плошчы Перамогі да плошчы Незалежнасці. Міліцыя ніяк не перашкаджала шэсцю.
Адным з герояў рэпартажу стаў мужчына з бародкай.
«Вось я кажу, што такія людзі, якія маніпулююца заходнімі каналамі, тэлэграмамі, за ўсё добрае, супраць усяго дрэннага. Але гэта проста глупства і балбатня. А калі пакапацца глыбей — я ездзіў да іх на мітынгі апазіцыйныя. Пытаўся ў іх «А што вы хочаце?» Яны кажуць «А мы не ведаем, мы проста прыйшлі за каханне, за мір». Так? А што за гэтым хаваецца, незразумела. Лукашэнка даў свабоду такую, якую не даў ніхто ў свеце свабоду. А яны хочуць яшчэ большую свабоду. Якую, яны самі не разумеюць», — распавёў на камеру мужчына.
Мужчына — грамадзянін Расіі і не мае ніякага дачынення да нашай краіны. Яго завуць Антон Тарасаў, ён жыве ў Маскве, з'яўляецца сябрам КПРФ і нават спрабаваў стаць дэпутатам Дзярждумы Расіі. Цяпер вядзе блог на Youtube.
Тарасаў у сваім фэйсбуку не хавае, што быў на мітынгу і даваў каментар БТ: «Сказана было многа, пакінулі гэта», — піша ён.
Тарасаў, мяркуючы па яго сацыяльных сетках, знаходзіцца ў Беларусі як мінімум з 19 жніўня. Ён удзельнічаў у акцыях за Лукашэнку ў Наваполацку.
Ціханоўская і Зяленскі ўпершыню правялі сустрэчу. Зяленскі запрасіў Святлану ў Кіеў14
Каментары