Фатографку Ірыну Арахоўскую паранілі на пратэстах — і таму да яе маці прыйшлі з вобшукам
Фатографку Ірыну Арахоўскую паранілі гумавай куляй 11 жніўня, калі яна асвятляла пратэсты ў Мінску. Здарылася гэта каля станцыі метро «Спартыўная». На Ірыне ў той момант была сіняя камізэлька «прэса».
14 жніўня дзяўчына звярнулася ў 6-ю бальніцу, каб зафіксаваць сляды ад кулі. Пасля ёй патэлефанавалі з Фрунзенскага РУУС: маўляў, ці не хацелі б вы напісаць заяву на амапаўца, які вас параніў? Ірына напісала.
Пасля той заявы фатографка атрымлівала толькі паведамленне, што праверка па яе справе працягваецца.
А 19 кастрычніка з вобшукам прыйшлі да маці Ірыны (журналістка прапісана па тым адрасе).
«Аказваецца, я праходжу сведкай па артыкуле 293 (масавыя беспарадкі). Следчы сказаў маме, што гэта звязана з маёй заявай у СК. З кватэры нічога не забралі, бо было відавочна, што я там не жыву і маіх рэчаў няма. Маме пакінулі толькі пратакол вобшуку, больш ніякіх папер», — расказала фатографка.
Яе адвакат цяпер спрабуе высветліць падрабязнасці. Самой Ірыне са Следчага камітэта пасля таго вобшуку не тэлефанавалі.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары