Апублікаваны дакумент АП Расіі аб стратэгіі захавання ўплыву ў Беларусі з улікам непапулярнасці Лукашэнкі
Расійскае інтэрнэт-выданне The Insider расказала пра план расійскіх уладаў адносна Беларусі. Рэдакцыя атрымала дакументы з упраўлення Адміністрацыі прэзідэнта Расіі па міжрэгіянальных і культурных сувязях з замежнымі краінамі, якое ўзначальвае генерал СВР Расіі Уладзімір Чарноў.
У адным з дакументаў, датаваным 3 кастрычніка, Уладзімір Чарноў адзначае, што ў Беларусі «расце масавае і глыбіннае непрыманне прэзідэнта Аляксандра Лукашэнкі, якое ўсё мацней захоплівае адміністратыўныя пласты».
Чыноўнік настойвае на неабходнасці ў найбліжэйшым часе правесці ў Беларусі канстытуцыйную рэформу і перадачу ўлады парламенту, дзе да ўлады павінны прыйсці сілы, лаяльныя Маскве.
«Крытычна неабходна, у прыватнасці, даць магчымасць выбаршчыкам, крытычна настроеным да ўлады і пазітыўна — да Расіі (гэта большасць!), атрымаць палітычнае прадстаўніцтва і нават большасць у парламенце РБ, што зробіць ўнутраную і замежную палітыку краіны больш пэўнай», — гаворыцца ў дакуменце, апублікаваным у The Insider.
«Наша Ніва» не можа ацаніць сапраўднасць гэтага дакумента.
Выданне таксама публікуе дакумент «Стратегия работы в Республике Белоруссия», які, магчыма, уяўляе сабой прапанову, распрацаваную кімсьці з прарасійскіх дзеячаў Беларусі ці людзей з кола экс-пасла Бабіча.
Выданне публікуе таксама праект праграмы прарасійскай партыі з праўкамі, зробленымі чалавекам, якога завуць Мікіта Лагавы. Такі чалавек існуе, гэта 28-гадовы сын уласніка ТАА «Фармлэнд» Івана Лагавога. Публікуецца і «спіс актыву», да працы з якім Расіі прапануецца звярнуцца, у ім фігуруе і Лагавы-старэйшы. Магчыма, гаворка пра спіс людзей, якіх рэкамендуе складальнік праекта праграмы дадзенай партыі.
Адзін з людзей са спісу пацвердзіў «Нашай Ніве» факт кантактаў з расійскімі аналітыкамі.
Цяпер чытаюць
На аўташоу ў Лідзе ледзь не загінуў адзін з самых знакамітых каскадзёраў Беларусі — яго відэа сабралі амаль паўмільярда праглядаў. Што з ім цяпер?3
Каментары