«У нашай краіне дзве дзяржаўныя мовы». Пасля Новага года навіны на брэсцкім тэлебачанні выйшлі на рускай мове
Чытачы Intex-press заўважылі, што 4 студзеня выпуск ранішніх навін на тэлеканале «Беларусь 4. Брэст» выйшаў на рускай мове. І нават бягучы радок таксама быў на рускай. Гледачы адзначаюць, што летась эфіры навін выходзілі ў асноўным па-беларуску.
Intex-press паспрабавала даведацца, з чым звязана такое новаўвядзенне. Звязацца 4 студзеня з кіраўніком Брэсцкай тэлерадыёкампаніі і прэс-службай Белтэлерадыёкампаніі ў Мінску не ўдалося.
Затое ў прыёмнай Брэсцкай тэлерадыёкампаніі растлумачылі, што пераход на рускую мову трансляцыі навін «ні з чым не звязаны».
— Гэта ні з чым не звязана, мы ўжо раней пераходзілі з рускай мовы на беларускую і назад. У нашай краіне дзве дзяржаўныя мовы, і мы маем права рабіць, як палічым патрэбным. Гэта ні з чым не звязана. Ні з чым.
Каментары