Малдоўская апазіцыя другі раз сарвала выбары прэзідэнта краіны. Цяпер маюць быць прызначаны перавыбары парламента.
Прэзідэнт Рэспублікі Малдова абіраецца парламентам краіны. Гэта дало дадатковыя шансы мясцовай апазіцыі у барацьбе за новыя парламенцкія выбары.
У парламэнце Малдовы завяршылася працэдура па выбарах прэзідэнта краіны. Як і чакалася, у галасаванні ўзялі ўдзел 60 дэпутатаў ад правячай партыі камуністаў. Тры апазіцыйныя фракцыі байкатавалі галасаванне. Такім чынам аніводзін з прэтэндэнтаў не набраў мінімальна патрэбны для перамогі 61 голас.
Цяпер, адпаведна канстытуцыі Малдовы, парламент мае быць распушчаны і мусяць адбыцца новыя выбары. Дзеючы прэзідэнт Уладзімір Варонін ужо заявіў пра падрыхтоўку адпаведнага ўказу. Чакаецца, што пазачарговыя выбары ў парламент Малдовы адбудуцца цягам бліжэйшых 45 дзён.
Нагадаем, што колькі месяцаў таму ў сталіцы Малдовы Кішынёве адбыліся пратэсты супраць вынікаў парламенцкіх выбараў, якія перараслі у масавыя беспарадкі й пагромы.
Цяпер чытаюць
Хто забараняе ў Беларусі кнігі — вось гэтыя 22 чалавекі16
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары