Пасольства Расіі працягвае завочную дыскусію з МЗС пра тое, чый Касцюшка
Пасольства Расіі ў Мінску працягвае дыскусіі з Міністэрствам замежных спраў Беларусі на тэму, ці варта беларусам залічваць Тадэвуша Касцюшку да нацыянальных герояў.
Усё пачалося з каментара ў інстаграме Нацыянальнага гістарычнага музея пад допісам да 275-годдзя з дня нараджэння палкаводца і палітычнага дзеяча, пакінутага з акаўнта расійскай амбасады: «Назваць Касцюшку «беларускім нацыянальным героем» роўна распісацца ў сваім гістарычным невуцтве».
Прэс-сакратар МЗС Анатоль Глаз палічыў патрэбным выказацца з нагоды спрэчкі на гістарычную тэму: «Лічу, што не трэба з гэтага рабіць драму. Беларусь, беларускі народ для сябе сваіх герояў, у тым ліку гістарычных, вызначыў. І зрабіў гэта карэктна, не ўмешваючыся ў справы іншых і не залазячы на чужую тэрыторыю. Гэта галоўнае. У нас няма комплексаў з гэтай нагоды, і нашай краіне не патрэбнае прызнанне або адабрэнне ад каго б там ні было гэтага факта, акрамя саміх беларусаў. З гэтага трэба і зыходзіць».
У працяг дыскусіі амбасада Расіі змясціла на сваёй старонцы допіс, у якім прыводзіць цытату з ліста Касцюшкі, у якім той заклікае «прывучаць русінаў да польскай мовы»:
«У заяве прэс-сакратара МЗС Беларусі пазначаны тэзіс, што спрэчка пра ролю Тадэвуша Касцюшкі ў беларускай гісторыі «павінна весціся ў рамках экспертнай і канструктыўнай дыскусіі». Згодныя з такой пазіцыяй. Магчыма, таксама, што прафесіяналы-гісторыкі звернуць увагу і на ліст Т. Касцюшкі, напісаны ім у траўні 1789 года і апублікаваны на мове арыгіналу ў зборніку дакументаў «Pisma Tadeusza Kościuszki» (Warszawa, 1947, s. 45—46):
«Прывучаць іх [русінаў] трэба да польскай мовы, няхай па-польску ўсе іх службы будуць. З часам польскі дух у іх увойдзе. За ворага будуць потым лічыць таго, хто б не ведаў мовы народнай».
Цяпер чытаюць
У расійскай арміі беларускага наёмніка павесілі на дрэве ўніз галавой і білі палкай па геніталіях22
Каментары