Амерыканскае ўпраўленне па аэранаўтыцы і касмічным даследаваннямі (НАСА) апублікавала захапляльныя відэакадры пасадкі новага марсахода на паверхню Чырвонай планеты, паведамляе ВВС.
Касмічная платформа, якая спусціла ровер «Персеверанс» на тросах з вышыні каля дваццаці метраў, была літаральна абвешаная відэа — і фотаапаратурай: зняць пасадку павінны былі адразу сем камер.
Практычна адразу пасля пасадкі ровер пачаў перадаваць на зямлю фатаграфіі паверхні Марса і іншыя звесткі.
Хоць пасадка ровера за два кіламетры ад рэчышча старажытнай ракі ў кратары Езера адбылася некалькі дзён таму, параўнальна больш «цяжкія» відэафайлы ў ЦУПе атрымалі толькі цяпер.
Для інжынераў, якія адказваюць за гэтую місію, важна было ўбачыць менавіта відэа моманту прызямлення з тым, каб яны маглі адпрацаваць і ўдасканаліць тэхналогіі пасадкі будучых ровераў і зондаў напярэдадні запланаванага пілатаванага палёту.
Чытайце таксама: Марсаход Perseverance удала сеў на Чырвоную планету і пачынае пошук слядоў жыцця
Цяпер чытаюць
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні9
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў55
Каментары