Пуцін расказаў, як зваліўся з каня, і яго аператар адразу ж сцёр гэта відэа
Прэзідэнт Расіі распавёў аб сваёй любові да коней і аб адной з трэніровак, падчас якой ён вылецеў з сядла, піша ТАСС.
«Мяне адзін раз здымалі, я трэніраваўся, і так атрымалася, што конь перад бар'ерам устаў, і я зрабіў такі кульбіт, вось проста рэальны кульбіт», — падзяліўся ўспамінамі Пуцін. Ён дадаў, што прапанаваў аператару, які здымаў гэты працэс, захаваць відэа. «[Гэта быў] першы раз, калі я пачуў ад яго такі адказ: я, кажа, сатру неадкладна», — засмяяўшыся, распавёў Пуцін.
Ён адзначыў, што на месцы падзення быў мяккі грунт з пілавіннем і «дастаткова было камфортна падаць».
Каментары