Крэмль выказаў надзею на вызваленне сяброўкі Рамана Пратасевіча
Расійскае кіраўніцтва спадзяецца, што затрыманую ўладамі Беларусі расіянку Сафію Сапегу адпусцяць, калі яна не парушала законаў краіны.
Пра гэта заявіў прэс-сакратар прэзідэнта Расіі Дзмітрый Пяскоў, піша РБК.
«Мы спадзяёмся, што яна ў найбліжэйшы час будзе адпушчаная беларускімі ўладамі, калі, вядома, да яе няма ніякіх пытанняў у плане выканання законаў», — сказаў Пяскоў.
Сапега знаходзілася ў самалёце разам з Раманам Пратасевічам, які падчас палёту ў Вільню 23 мая здзейсніў пасадку ў Мінску.
Раней кіраўнік МЗС Расіі Сяргей Лаўроў паведаміў, што расійскія дыпламаты запыталі ў беларускіх уладаў консульскі доступ да Сапегі.
«Паколькі вы згадалі беларускага грамадзяніна, з ім таксама засталася, як мы можам зразумець, у Мінску яго знаёмая, яна грамадзянка Расіі. <…> Наша пасольства звярнулася ў МЗС Беларусі з просьбай прадаставіць інфармацыю аб нашай грамадзянцы і забяспечыць да яе консульскі доступ», — сказаў ён.
Ціханоўская і Зяленскі ўпершыню правялі сустрэчу. Зяленскі запрасіў Святлану ў Кіеў14
Каментары