122 абітурыенты прайшлі ЦТ па беларускай мове на 100 балаў. А па гісторыі Беларусі ніводнага стобальнага выніку.
122 абітурыенты прайшлі ЦТ па беларускай мове на 100 балаў. А па гісторыі Беларусі ніводнага стобальнага выніку.
На цэнтралізаванае тэставанне па беларускай мове прыйшло 63 тысячы 760 абітурыентаў. З іх 122 чалавекі набралі 100 балаў. Летась такіх вынікаў было толькі восем па ўсёй Беларусі. Аднак параўноўваць цяжка, бо ў гэтым годзе праграмы ўступных іспытаў былі складзеныя з улікам пераходных праграм, па якіх навучаліся вучні 11‑ых штрых‑класаў. То бок некаторыя раздзелы і тэмы былі проста выкінуты з тэстаравання, бо не ўсе абітурыенты мелі магчымасць іх вывучыць.
Нягледзячы на спрошчаную праграму, знайшліся і адмыслоўцы сярод удзельнікаў. Тры чалавекі ўмудрыліся набраць 0 балаў.
Па гісторыі Беларусі стобальных вынікаў не было, таксама ніхто не набраў і нуль балаў. На 80 і вышэй балаў напісалі тэст 248 чалавек, з іх 90 абітурыентаў — на 90 балаў і вышэй. Асаблівасцю тэстаў па гісторыі Беларусі сёлета было тое, што большасць абітурыентаў (больш за 16 тыс.) выбрала здаваць гісторыю Беларусі на беларускай мове. Усяго тэставанне па Гісторыі Беларусі здала 26 тыс. абітурыентаў.
У мінскім метро праходзяць выпрабаванні новыя цягнікі ФОТЫ3
Каментары