Рада бяспекі Беларусі прыняла пастанову аб мерах па забеспячэнню нацыянальнай бяспекі. Дакумент апублікаваны на Нацыянальным прававым інтэрнэт-партале 5 чэрвеня.
Згодна з пастановай, Рада бяспекі павышае сваю ролю ў пытаннях «абароны незалежнасці, тэрытарыяльнай цэласнасці, суверэнітэту і канстытуцыйнага ладу Рэспублікі Беларусь, падтрымання грамадзянскага міру і згоды ў краіне, процідзеяння экстрэмізму і тэрарызму».
Савет Міністраў і зацікаўленыя дзяржорганы павінны падрыхтаваць змены ў закон аб надзвычайным становішчы і закон аб ваенным становішчы. Змены ўносяцца для «стварэння дадатковых умоў для папярэджання і нейтралізацыі рызык, выклікаў і пагроз нацыянальнай бяспецы» з улікам прэзідэнцкага Дэкрэта аб абароне суверэнітэту і канстытуцыйнага ладу. Адпаведны праект закона павінен быць падрыхтаваны на працягу месяца.
Дэкрэт аб абароне суверэнітэту і канстытуцыйнага ладу прадугледжвае, што ў выпадку гвалтоўнай гібелі прэзідэнта ўсе дзяржаўныя органы і іх службовыя асобы павінны дзейнічаць у адпаведнасці з рашэннямі Рады бяспекі. Пры гэтым на тэрыторыі краіны ўводзіцца надзвычайнае або ваеннае становішча.
Цяпер чытаюць
Джэфры Эпштэйн некалькі разоў атрымліваў візу ў Беларусь. І дакладна наведваў нашую краіну4
Каментары