Двое маладзечанцаў атрымалі па 15 і 25 сутак арышту за нядзельную акцыю ў горадзе
Двое маладзечанцаў атрымалі па 15 і 25 сутак арышту за нядзельную акцыю ў горадзе ля помніка «Пакутнікам за волю і незалежнасць Беларусі», паведамляе Рэгіянальная газета.
Пётр Дыко — у шэрай майцы, Жанна Піліпчонак — у белай майцы з вышыванкай. Фота «Рэгіянальная газета».
Пётр Дыко атрымаў 15 сутак арышту, а Жанна Піліпчонак — 25 сутак.
Яшчэ ў дзвюх жанчын, у якіх былі непаўнагадовыя дзеці, у нядзелю адпусцілі з аддзялення. Пра суды над імі пакуль нічога невядома.
У нядзелю, 20 чэрвеня, ля помніка «Пакутнікам за волю і незалежнасць Беларусі» ў Маладзечне, па меркаванні супрацоўнікаў міліцыі, прайшла несанкцыянаваная акцыя.
Людзей, што знаходзіліся побач, затрымалі міліцыянеры. У аддзяленне міліцыі таксама былі дастаўлены два карэспандэнты «Рэгіянальнай газеты», што знаходзіліся ля помніка.
Падпалкоўніка з факультэта вайсковай разведкі судзяць за «здраду дзяржаве» па справе, якая выглядае палітычнай. Што пра яго вядома?6
Каментары