«На месцы Пратасевіча магла быць Ціханоўская» Франак Вячорка распавёў, як узмацнілі бяспеку экс-кандыдаткі ў прэзідэнты
Дарадца Ціханоўскай па міжнародных адносінах у інтэрв’ю праекту «Ток» распавёў, што на месцы Рамана Пратасевіча магла апынуцца Святлана Ціханоўская. Самалёт, на якім Пратасевіч ляцеў з Афінаў у Вільню, пасадзілі ў Мінску, а Рамана і яго дзяўчыну затрымалі сілавікі.
«Там была вельмі складаная сітуацыя з гэтым пералётам, — кажа Франак Вячорка. — Наша дэлегацыя мусіла ляцець у суботу, за тыдзень да таго, як Пратасевіча забралі, з Афінаў таксама праз тэрыторыю Беларусі, і пры ўзлёце самалёт паламаўся.
Вышынямер не спрацаваў — было рэзкае аварыйнае тармажэнне, самалёт знялі, рэйс адмянілі, і трэба было застацца на адзін дзень даўжэй, то-бок самалёт скасавалі ў апошні момант. На наступны дзень трэба было выбіраць, як дабірацца ў Вільню, але нармальных рэйсаў не было.
І ў нас было два квіткі: адзін з перасадкай праз еўразвязаўскую краіну і адзін прамы «Райнэйр». І мы ў апошні момант купілі квіткі на «Райнэйр», напрасткі, вось той самы, якім ляцеў Пратасевіч, і даляцелі».
Але потым першыя тлумачэнні, якія мы пачулі пасля пасадкі Пратасевіча, выглядалі, як быццам гэта былі загатоўкі не пад арышт Пратасевіча, а пад арышт Ціханоўскай. Гэты было вельмі-вельмі дзіўна. І сапраўды, калі б яны затрымалі не аднаго Пратасевіча, а цэлую дэлегацыю — гэта была б для іх, канечне, вялікая здабыча.
Вячорка прызнае, што пытанню бяспекі не надзялялася дастатковая ўвага:
«Я думаю, што мы вінаватыя, што не думалі пра бяспеку, трэба зрабіць высновы, і ўсім, хто зараз знаходзіцца пад патэнцыйнай пагрозай, — усе ўцекачы, актывісты, праваабаронцы, — трэба быць вельмі ўважлівымі, пяць разоў падумаць, як вы ляціце, што вы робіце, як вы вяртаецеся дадому, мяняць маршруты. Тут, у Вільні, пасольская машына пад’язджае, кідае цябе ў багажнік, вязе ў Беларусь — і ніхто не заўважыць, літоўцы не будуць спыняць дыпламатычную машыну Лукашэнкі.
Нават у такіх момантах мы пачалі па-новаму думаць пра бяспеку. Калі гэта адбылося — памянялася стаўленне да Ціханоўскай. Была паездка ў Варшаву і ў Чэхію — ёй далі максімальную бяспеку. Зараз еўрапейскія краіны будуць перастрахоўвацца пяць разоў».
Глядзіце цалкам гутарку тут.
Цяпер чытаюць
Хто забараняе ў Беларусі кнігі — вось гэтыя 22 чалавекі32
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары