Адначасова з пахаваннем поп-караля ў Лос-Анджэлесе, у горадзе над Бугам некалькі соцень чалавек пад песні спевака запалілі свечкі. Фотарэпартаж.
Адначасова з пахаваннем поп-караля ў Лос-Анджэлесе, у горадзе над Бугам некалькі соцень чалавек пад песні спевака запалілі свечкі.
Прыблізна а 20-й гадзіне ў Брэсце сабралася каля дзвюх соцень чалавек. Кожны прынёс з сабой свечку. Вечар развітання пачаўся з хвіліны маўчання. Пасля на агромістым палотнішчы з фота Майкла і гадамі яго жыцця ўсім прысутным прапанавалі напісаць свае пажаданні куміру, які пайшоў з жыцця. Пазней гэтае палотнішча дашлюць па пошце ў афіцыйны фан-клуб спевака ў Лос-Анджэлес.
Развітваліся з Майклам Джэксанам пад ягоныя найлепшыя кампазіцыі: Billie Jean, Bad, Beat It, Black or White, You Are Not Alone ды інш.
Сярод тых, хто прыйшоў у той вечар былі як прыхільнікі творчасці, так і звычайныя людзі. Кожны прысутны атрымаў у падарунак памятную паштоўку з выявай караля поп-музыкі і яго аўтографа. Кульмінацыяй вечару стала выкладванне з прынесеных свечак надпісу WE LOVE YOU, MICHAEL.
Пасля гэтага ўсе ўзяліся за рукі і сталі ў вялізнае кола пад песні Heal the World і We are the World.
Раптоўна памёр Уладзімір Усер — немалады актывіст, які ўляпаўся ў фільм БТ і шпіянаж у Польшчы29
Каментары