Папулярнасць Аляксандра Лукашэнкі сярод жыхароў Украіны ўпала з 70% у сакавіку 2020-га да 36% у лютым 2021-га. Пра гэта сведчаць апытанні Кіеўскага міжнароднага інстытута сацыялогіі.
Ранейшая папулярнасць Лукашэнкі звязвалася з яго нейтральнай пазіцыяй у расійска-ўкраінскім канфлікце. Але пасля выбараў 2020-га і падаўлення пратэстаў супраць іх фальсіфікацыі стаўленне ўкраінцаў пачало мяняцца.
У верасні 2020-га сацыёлагі прапанавалі рэспандэнтам адказаць на пытанне, каго ўкраінцы больш падтрымліваюць — Аляксандра Лукашэнку ці ўдзельнікаў пратэстаў? У тым выпадку Лукашэнка атрымаў 31% падтрымкі, а 45% выказалі сваю падтрымку ўдзельнікам акцый пратэстаў.
На прэс-канферэнцыі 9 жніўня Аляксандр Лукашэнка паўтарыў даўні фэйк, што ў 2014-м у Беларусі знайшлі прыстанішча 160 тысяч грамадзян Украіны. Насамрэч, паводле звестак Дэпартамента па міграцыі, у тым годзе прытулак у Беларусі атрымалі ўсяго каля 6000 чалавек.
Учора таксама Аляксандр Лукашэнка сказаў украінскаму журналісту: «Вы дажартуецеся да таго, што я рызыкну і пераступлю мяжу без зброі. І ў мяне будзе не 40% украінцаў, а мінімум 90%. І мы Украіну павернем… Не для таго, каб захапіць, а каб зрабіць Украіну ўкраінскай».
-
Расіяніну, які п'яным пабіўся з ахоўнікамі мінскага метро, вынеслі лагодны прысуд
-
Латушка пра магчымасць вайны ў Беларусі: Гэта ж вар'яцтва, не ўяўляю, як крамлёўская прапаганда будзе тлумачыць гэта
-
«Да канца года, спадзяюся, зможам рэалізаваць адну-дзве рэчы». Бабарыка — пра свой новы праект і беларускую мову
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»31
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары