Раніцай 14 жніўня жыхары вёскі Муравілле пазванілі ў міліцыю і паскардзіліся на канфлікт паміж суседзямі: пабіліся браты, аднаму з іх 34 гады, другому — 33.
Прэс-служба МУС адзначае, што мужчыны паводзілі сябе агрэсіўна, кінуліся на міліцыянераў з кулакамі. Адзін з іх стукнуў сілавіка і паваліў яго на зямлю, калега хацеў дапамагчы, але на яго напаў другі парушальнік.
У міліцыі кажуць, што на патрабаванні супакоіцца браты не рэагавалі, адзін з міліцыянераў стрэліў у паветра, але і гэта не дапамагло, таму ён стрэліў у нагу старэйшаму з братоў. Мужчыну забралі ў бальніцу.
Гэта ўжо другі выпадак за тыдзень, калі супрацоўнікі міліцыі ўжываюць зброю ў адносінах да дэбашыраў. Да гэтага быў выпадак ў Чавусах, дзе мужчына бегаў па вуліцы з сякерай.
Цяпер чытаюць
Куды цяпер едуць вучыцца беларускія студэнты — топ краін і тэндэнцый8
Каментары