Украінскі баксёр Аляксандр Усік стаў абсалютным чэмпіёнам свету ў двух дывізіёнах — такое здарылася другі раз у гісторыі
У Лондане на арэне «Тотэнхэм Хотспур» 25 верасня адбыўся баксёрскі вечар, у галоўным паядынку якога сышліся ўкраінец Аляксандр Усік і брытанец Энтані Джошуа. На коне стаялі тытулы чэмпіёна свету па версіі WBA Super, IBF, IBO і WBO ў суперцяжкай вазе. Украінскі баксёр упэўнена выйграў гэты бой па ачках і адабраў у брытанца тры чэмпіёнскія паясы.
Па выніках 12 раўндаў усе суддзі аддалі перамогу ўкраінскаму баксёру — 116-112, 117-114, 115-113.
Прэзідэнт Украіны Уладзімір Зяленскі адным з першых павіншаваў суайчынніка. «Украіна вяртае сваё! Чэмпіёнскія тытулы WBA, IBF, IBO, а таксама WBO зноў, як і мае быць, належаць украінцам!» — адзначыў кіраўнік дзяржавы.
34-гадовы Аляксандр Усік выступае ў прафесійным боксе з 2013 года. На рахунку Аляксандра 19 перамог (у тым ліку 13 накаўтам) у 19 баях. 31-гадовы Джошуа выйграў 24 паядынкі (22 — накаўтам) і пацярпеў другое паражэнне ў кар'еры.
Новы чэмпіён WBA, WBO, IBF і IBO ў цяжкай вазе Аляксандр Усік паўтарыў дасягненне экс-чэмпіёна свету ў двух дывізіёнах Эвандэра Холіфілда.
Усік, як і Холіфілд, стаў абсалютным чэмпіёнам свету ў першай цяжкай вазе і аб'яднаным у цяжкай вазе.
Украінец зрабіў гэта значна хутчэй — у 19-м баі на прафесійным рынгу.
Цяпер чытаюць
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак11
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары